Şəki-Zaqatala Regional Təhsil İdarəsinin tabeliyində fəaliyyət göstərən, şagird sayı 151-500-dək və hazırda direktor vəzifəsi vakant olan ümumi təhsil müəssisələrinə direktorların işə qəbulu müsabiqəsinin test mərhələsində müvafiq keçid balını toplayaraq uğur qazanan namizədlər üçün müsahibə mərhələsi keçiriləcək.

Müsahibələrin 21-24 oktyabr 2024-cü il tarixləri aralığında Şəki-Zaqatala Regional Təhsil İdarəsinin inzibati binasında keçirilməsi nəzərdə tutulur.

Müsahibə mərhələsində iştirak hüququ qazanmış namizədlərin əlaqə nömrələrinə müsahibə tarixi və vaxtı barədə SMS bildirişi göndəriləcək.

Namizədlərdən xahiş olunur ki, dəvət edilmiş vaxtda Şəki-Zaqatala Regional Təhsil İdarəsinin inzibati binasında olsunlar. Eyni zamanda gələrkən şəxsiyyət vəsiqəsinin əslini də gətirmək xahiş olunur.

Ünvan: Şəki şəhəri, Zərifə Əliyeva küçəsi-86

Müsahibə mərhələsində iştirak edəcək bütün namizədlərə uğurlar arzulayırıq!