Şəki-Zaqatala Regional Təhsil İdarəsinin tabeliyində olan ümumi təhsil məktəblərinin şagirdləri “Əlaçı” televiziya layihəsinin seçim turunda iştirak ediblər.

Şəki şəhər 12 nömrəli tam orta məktəbdə keçirilən seçim turunda Qəbələ, Oğuz, Şəki, Qax, Zaqatala və Balakən rayonlarından 60 nəfər (30 qız, 30 oğlan) olmaqla, ümumilikdə 350-yə yaxın X və XI sinif şagirdi müsabiqəyə qatılıb.

Test üsulu ilə keçirilən seçim turunda şagirdlərə bütün fənləri əhatə edən 50 açıq sual təqdim olunub. Müsabiqənin nəticələri barədə məlumatlar şagirdlərin təhsil aldıqları məktəblərə göndəriləcək.

Qeyd edək ki, seçim turunun nəticələrinə əsasən ən yüksək nəticə göstərən şagirdlər “Əlaçı” televiziya layihəsinin çəkilişlərində iştirak hüququ qazanacaqlar.