Şəki-Zaqatala Regional Təhsil İdarəsinin tabeliyində olan ümumtəhsil müəssisələrinin müəllim və şagirdlərindən ibarət 20 komanda “Yaşıl SAF 2024” final mərhələsində iştirak edir.

Belə ki, region üzrə “Engineers of Future”, “Vidx”, “CubeSat”, “Vex İQ”, “Green initiatives”, “VEX Robotics Competition” və.s kateqoriyalarında Balakən rayon məktəblilərindən ibarət “Greenery-Balakən”, “Legendary Girls” və “Lucky Girls” komandaları, Qax rayonu üzrə “Own of the Sky”, “Founders”, “Thinkers”, “Tactic Technology”, “Innovators”, “Worriors”, “Stealth”, “Leaders” komandaları, Şəki rayonu üzrə “Radron” və “Greentex1” komandaları, Zaqatala rayonu üzrə isə “M&S-062”, “Uran”, “Venera”, “MegTech”, “Venera” və “Step By Step” komandaları Beynəlxalq Yaşıl STEAM Azərbaycan Festivalının final mərhələsində iştirak edir.

Qeyd edək ki, festival 24-25 oktyabr tarixlərində keçiriləcək.

İki gün davam edəcək festivalda iştirakçılar həmçinin COP29 Azərbaycan Əməliyyat Şirkətinin mütəxəssisləri tərəfindən təşkil olunacaq iqlim dəyişmələri və dayanıqlılıq mövzularına həsr olunmuş təlimlərdə də iştirak edəcəklər.

Builki festivalın əsas məqsədi ənənəvi olaraq STEAM əsaslı tədrisin təşviqi, təhsilalanlar arasında XXI əsr bacarıqlarının inkişaf etdirilməsi, yaradıcı təhsilalanların aşkara çıxarılması ilə yanaşı, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Azərbaycanda keçirilməsi və 2024-cü ilin ölkəmizdə “Yaşıl dünya naminə həmrəylik ili” elan edilməsi ilə əlaqədar STEAM əsaslı yanaşmanın tətbiqi ilə ətraf mühitin sağlamlaşdırılması, su ehtiyatlarından və alternativ enerji mənbələrindən səmərəli istifadəyə dair innovativ həll yolları və layihələrin hazırlanmasını təşviq etməkdir.

Final mərhələsində iştirak edən bütün müəllim və şagirdlərimizə uğurlar arzulayırıq!