Şəki-Zaqatala Regional Təhsil İdarəsinin tabeliyində fəaliyyət göstərən ümumtəhsil müəssisələrinin müəllim və şagirdlərindən ibarət 20 komanda Yaşıl SAF 2024 - Beynəlxalq STEAM Azərbaycan Festivalının final mərhələsində iştirak edərək müxtəlif nominasiyalar və kateqoriyalar üzrə qalibiyyət əldə edib.

Belə ki, bölgə üzrə “Engineers of Future”, “Vidx”, “CubeSat”, “Vex İQ”, “Green Initiatives”, “VEX Robotics Competition” və digər kateqoriyalarda yarışan komandalardan Balakən rayonunun “Legendary Girls” və “Lucky Girls” komandaları 2-ci, “Skyscraper” komandası isə 3-cü yerə layiq görülüb. Qax rayonunun “Own of the Sky”, “Founders”, “Thinkers”, “Tactic Technology” və “Leaders” komandaları 3-cü, Şəki rayonunun “Greentex1” komandası 2-ci, Zaqatala rayonunun “Venera” və “MegTech” komandaları isə 3-cü yeri qazanıblar.

Bundan əlavə Zaqatala rayonunun “M&S-062” komandası, Şəki rayonunun “Radron” komandası və Balakən rayonunun “Greenery-Balakən” komandaları da müxtəlif nominasiyalarda mükafatlandırılıb.

Komandalarımızı təbrik edir, növbəti müsabiqələrdə yeni-yeni uğurlar arzulayırıq!