Şəki-Zaqatala Regional Təhsil İdarəsi tabeliyindəki ümumi təhsil müəssisələrində hal-hazırda vakant olan kitabxana müdiri, gənclərin çağırışaqədərki hazırlığı rəhbəri, psixoloq, mühasib və mühəndis vəzifələri üzrə qeydiyyatdan keçmiş şəxslər 2-6 sentyabr saat 18:00-dək yerli rayon təhsil sektoruna yaxınlaşaraq imtahana buraxılış vərəqəsini götürə bilərlər.

Həmçinin bildiririk ki, buraxılış vərəqəsini götürməyə gələn hər bir namizəd şəxsiyyəti təsdiq edən sənədi, o cümlədən, müvafiq tələblər qoyulan vəzifələr üzrə diplom və əmək kitabçasının surəti üzərində olmağı mütləqdir.

Qeyd edək ki, mühasib vəzifəsi üzrə test imtahanında 30 ixtisas, 10 informatika və 10 məntiqi təfəkkür suallarına cavab verərək ən yüksək bal toplamış namizədlər müsahibə mərhələsinə dəvət ediləcəklər. Digər vəzifələr üzrə isə 20 ixtisas, 15 informatika və 15 məntiqi təfəkkür suallarına cavab verərək ən yüksək bal toplamış namizədlər birbaşa vəzifəyə təyin olunacaqlar.