10 sentyabr saat 15:00-da Şəki-Zaqatala Regional Təhsil İdarəsinin tabeliyindəki ümumi təhsil müəssisələrində vakant olan kitabxana müdiri, gənclərin çağırışaqədərki hazırlığı rəhbəri, psixoloq, mühasib və mühəndis vəzifələri üzrə test imtahanları keçiriləcək.

Test imtahanı Şəki şəhər 11 nömrəli tam orta məktəbdə təşkil olunacaq. İmtahanda iştirak edəcək namizədlər şəxsiyyət vəsiqələrini mütləq üzərlərində gətirməli və imtahan binasına saat 14:30-dan gec olmayaraq yaxınlaşmalıdırlar.

Qeyd edək ki, mühasib vəzifəsi üzrə namizədlər 30 ixtisas, 10 informatika və 10 məntiq suallarına cavab verərək, ən yüksək bal toplayanlar müsahibə mərhələsinə dəvət ediləcəklər. Digər vəzifələr üçün isə namizədlər 20 ixtisas, 15 informatika və 15 məntiq suallarını cavablandıraraq, yüksək bal toplamış olarsa, birbaşa vəzifəyə təyin ediləcəklər.