Şəki-Zaqatala Regional Təhsil İdarəsi tərəfindən keçirilən “Zəfər” elm olimpiadasının rayon-şəhər mərhələsi keçirilib.

Şəki-Zaqatala Regional Təhsil İdarəsinin tabeliyində fəaliyyət göstərən ümumi təhsil məktəblərinin VIII-XI sinif şagirdləri arasında təşkil olunmuş olimpiadanın rayon-şəhər mərhələsində şagirdlər 2 saat vaxt ərzində 25 sualdan ibarət test tapşırığı təqdim olunub. Rayon-şəhər mərhələsindən uğurla keçən şagirdlər mərkəzləşmiş qaydasında noyabr ayında təşkil olunacaq zona turunda iştirak etmək hüququ qazanacaqlar.

Qeyd edək ki, olimpiadanın keçirilməsində məqsəd müzəffər ordumuzun dövlətçilik tariximizdə mühüm əhəmiyyət daşıyan Vətən müharibəsində qazandığı şanlı zəfəri əbədiləşdirmək, eləcə də yaradıcı təfəkkürü ilə fərqlənən, istedadlı şagirdlərin aşkara çıxarılması, regionda fənn olimpiadalarına marağın artırılmasından ibarətdir.