Şəki-Zaqatala Regional Təhsil İdarəsinin tabeliyində fəaliyyət göstərən ümumi təhsil məktəblərinin VIII-XI sinif şagirdləri arasında keçirilmiş “Zəfər” elm olimpiadasının final mərhələsi noyabrın 6-da keçiriləcək.

Olimpiada Şəki şəhər 11 nömrəli tam orta məktəbdə təşkil olunacaq.

Olimpiadanın rayon mərhələsində olduğu kimi, final mərhələsində də 25 test sualının cavablandırılması üçün şagirdlərə 1 saat 30 dəqiqə vaxt (90 dəq) ayrılacaqdır.  

Final mərhələsinin nəticələrinə əsasən, olimpiada qalibləri mükafatlandırılacaqlar.

Qeyd edək ki, olimpiadanın keçirilməsində məqsəd müzəffər ordumuzun dövlətçilik tariximizdə mühüm əhəmiyyət daşıyan Vətən müharibəsində qazandığı şanlı zəfəri əbədiləşdirmək, eləcə də yaradıcı təfəkkürü ilə fərqlənən, istedadlı şagirdlərin aşkara çıxarılması, regionda fənn olimpiadalarına marağın artırılmasından ibarətdir.