Oğuz rayon M.F.Axundov adına Xaçmaz kənd tam orta məktəbdə Birinci Qarabağ müharibəsi şəhidi Azərbaycanın Milli Qəhrəmanı Koroğlu Rəhimovun 70 illiyinə həsr olunmuş xatirə tədbiri təşkil olunub.

İlk öncə tədbir iştirakçıları Xaçmaz kənd Şəhidlər Xiyabanını ziyarət edib, torpaqlarımızın azadlığı uğrunda canlarını qurban vermiş şəhidlərimizin əziz xatirəsi ehtiramla yad edilərək məzarları üzərinə gül dəstələri düzüblər .

Tədbirdə Yeni Azərbaycan Partiyası Oğuz rayon təşkilatının sədri Saleh Məhərrəmov, Oğuz rayon İcra Hakimiyyətinin nümayəndəsi Ayaz Ağayev, Oğuz rayon təhsil sektorunun əməkdaşı Nəsimi Adıyev və  ictimaiyyət nümayəndələri iştirak ediblər.

Tədbirdə şəhidlərimizin xatirəsinə həsr olunmuş videoçarx və ədəbi-bədii kompozisiya nümayiş etdirilib.