15-22 oktyabr 2023-cü il tarixlərində keçiriləcək “Təhsil” Respublika  İdman Mərkəzinin şahmat idman növü üzrə Respublika birinciliyinin zona mərhələsinin yarışlarına Qax rayonunda start verilib.

“Təhsil” Respublika  İdman Mərkəzi tərfindən təşkil olunan zona yarışında ümumilikdə 8 rayondan oğlan və qızlardan ibarət 85 nəfər idmançı mübarizə aparır.

Zona yarışlarında I, II, III yeri tutan şahmatçılar “Təhsil” Respublika İdman Mərkəzi tərəfindən diplom və medallarla təltif olunacaq, I və II yeri tutan idmançılar isə final mərhələsinə vəsiqə qazanacaq.

Qeyd edək ki, yarışın keçirilməsində məqsəd Elm və Təhsil Nazirliyinin tabeliyində fəaliyyət göstərən uşaq-gənclər idman-şahmat məktəblərinin şagirdləri arasında yaş qrupları üzrə ən güclü şahmatçıların müəyyən edilməsi, istedadlı şahmatçıların üzə çıxarılması, onların Mərkəzin yaş qrupları üzrə yığma komandalarına cəlb edilməsi və şahmatçılar arasında dostluq əlaqələrinin yaradılmasından ibarətdir.