Oğuz rayon Sincan kənd tam orta məktəbin şəhid müəllimi Rəvan Lətifov Ömür oğlunun anadan olmasının ildönümü münasibətilə Oğuz rayon Təhsil sektoru və məktəb kollektivi tərəfindən şəhidin məzarı ziyarət olunub, xatirəsi yad edilib.

Qeyd edək ki, şəhid Rəvan Lətifov 2014-cü ildə Oğuz rayonu şəhid Əsabəli Abdulhüseynov adına Sincan kənd tam orta məktəbində təşkilatçı vəzifəsində işləməyə başlayıb.

Rəvan Lətifov 2020-ci il sentyabrın 27-də başlanan Vətən müharibəsində iştirak edib, Şuşa döyüşlərində şəhidlik zirvəsinə yüksəlib.

Ölümündən sonra Azərbaycan Respublikasının Prezidenti cənab İlham Əliyevin 15.12.2020-ci il, 18.12.2020-ci il və 29.12.2020-ci il tarixli müvafiq Sərəncamları ilə "Vətən uğrunda", "Cəsur döyüşçü" və "Şuşanın azad olunmasına görə" medalları ilə təltif olunub.

Şəhidimizin adı əbədiləşdirilib, Oğuz rayonu Xaçmaz kəndindəki küçələrdən birinə onun adı verilib.