Zaqatala rayon Sumayli kənd tam orta məktəbin bir qrup kollektivi və şagirdi Vətən müharibəsi şəhidi polkovnik leytenant Abakar Hacıyevin doğum günü ildönümü münasibətilə onun məzarını və ailəsini ziyarət edib, xatirəsini anıb.

Qeyd edək ki, polkovnik leytenant Abakar Hacıyev 2020-ci ilin oktyabrın 27-də Xocavənd döyüşləri zamanı Qırmızı Bazar istiqamətində şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti cənab İlham Əliyevin 15.12.2020-ci il tarixli Sərəncamına əsasən Abakar Hacıyev ölümündən sonra "Vətən uğrunda" medalı, Azərbaycanın ərazi bütövlüyünün bərpa edilməsi zamanı döyüş əməliyyatlarının rəhbəri olan, düşmənin canlı qüvvəsinin məhv edilməsində rəşadət göstərən, vəzifə borcunu ləqayətlə və vicdanla yerinə yetirdiyinə görə "Azərbaycan Bayrağı" ordeni, Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə "Xocavəndin azad olunmasına görə" medalı ilə təltif edilib.