Qax şəhər N.Allahverdiyev adına 2 saylı tam orta məktəbdə və E.Şahmərdanov adına Tasmalı kənd tam orta məktəbində “İxtisas bələdçisi” layihə çərçivəsində seminar keçirilib.

Seminarda Dövlət Məşğulluq Agentliyinin Mərkəzi Karyera filialının əməkdaşı Səma Abbaszadə tərəfindən gənclərə “Düzgün ixtisas seçimi və onun əsas meyarları”, “Seçim dövrünə psixoloji hazırlıq”, “Gələcəyin ixtisasları və onların perspektivləri” haqqında məlumat verib.

Daha sonra "Təhsil tələbə kreditinə müraciət qaydaları və əsas seçim meyarları" haqqında məlumatlar məktəblilərin diqqətinə çatdırılıb.

Seminar əsasında gənclər ixtisas seçimi, gələcəyin ixtisasları haqqında fikir mübadiləsi aparıblar.

Sonda gənclərə “Alo Karyera” dəstək xidməti haqqında məlumat verilib və gənclərin sualları cavablandırılıb.

Qeyd edək ki, seminar DMA-nın Mərkəzi Karyera Filialının, Gənclərin İnkişaf və Karyera Mərkəzinin Qax nümayəndəliyinin və Qax şəhəri üzrə təhsil sektorunun birgə təşkilatçılığı ilə keçirilib.