Şəki-Zaqatala Regional Təhsil İdarəsinin tabeliyində fəaliyyət göstərən ümumtəhsil məktəblərinin direktorları ilə onlayn görüş keçirilib.

Onlayn görüşdə Şəki-Zaqatala Regional Təhsil İdarəsinin müdiri Bəhruz Mehdiyev və Regional İdarənin müdir müavini Günay Mahmudova, Şəki-Zaqatala Regional Təhsil İdarəsinin tabeliyində fəaliyyət göstərən ümumtəhsil məktəblərinin direktorları iştirak ediblər.

Görüşdə məktəb direktorlarına 4-cü siniflərdə milli qiymətləndirilmənin keçirilməsi, nəzarətçilərin seçilməsi və imtahanların təşkil edilməsi qaydaları izah edilib.

Daha sonra müvafiq məsələlər barədə məktəb rəhbərlərinə müəyyən tapşırıq və tövsiyələr verilib, onları maraqlandıran suallara aydınlıq gətirilib.