Şəki şəhər 9 nömrəli tam orta məktəbdə "Gələcək çempionlar sıramızdadır" adlı idman yarışı keçirilib. Yarışı məktəbin fiziki tərbiyə müəllimi Vahid Qasımovun təşkilatçılığı ilə hazırlanıbdır.

Yarışın keçirilməsində məqsəd uşaqların fiziki və mənəvi hazırlığı, asudə vaxtlarının səmərəli təşkili və onların idmana marağının artırılmasıdır.

Yarışda ümumilikdə 4 komanda mübarizə aparıb. Hər komandada 6 iştirakçı olub.

Yarış 3 turda keçirilib. Hər turda şagirdlərə  müxtəlif tip idman fəndləri üzrə hərəkətlərin həyata keçirilməsi tapşırılıb.

Qalib komanda turlar üzrə qazanılmış ümumi xallar əsasında müəyyən edilib.

Yarışın qaliblərinə fəxri fərmanlar və hədiyyələr təqdim olunub.