Fevralın 2-də Şəki şəhər 12 nömrəli tam orta məktəbdə “Əlaçı” televiziya layihəsində iştirak edəcək şagirdlər üçün seçim mərhələsi keçirilib.

Seçim turunda hər bir rayondan 30 nəfər olmaqla (15 qız, 15 oğlan) X sinif şagirdi mübarizəyə qoşulub.

Seçim mərhələsi Şəki, Ağsu, Balakən, İsmayıllı, Qəbələ, Qax, Oğuz, Şamaxı və Zaqatala rayonlarını ümumi təhsil məktəblərində təhsil alan X sinif şagirdlərinin iştirakı ilə keçirilən “Əlaçı” televizya layihəsinin seçim turunda iştirakçılara 50 açıq sual təqdim olunub.

Şəki Rayon Təhsil Şöbəsinin tabeliyində fəaliyyət göstərən ümumi təhsil məktəbləri üzrə 15 nəfər qız, 15 nəfər oğlan olmaqla 30 nəfər X sinif şagirdləri keçirilən seçim turunda  iştirak edib.

Müsabiqənin yekunlarına görə, ən yüksək nəticə göstərən şagirdlər 22-25 oktyabr tarixində “Əlaçı” televiziya layihəsinin 8-ci mövsümünün çəkilişlərində iştirak edəcəklər.