Şəki şəhər 1 nömrəli tam orta məktəbin müəllim və şagirdləri  Bəxtiyar Vahabzadənin ev muzeyində “Bəxtiyar işğında” adlı ədəbi-bədii kompozisiya keçirilib.

Tədbirdə çıxış edən məktəbin ədəbiyyat müəllimi Təhminə Abdulkərimova bildirib ki, B. Vahabzadə Azərbaycan şeyriyyatına verdiyi inciləri ilə yaddaşlarda dərin iz qoyub. Onun şeirləri özündə milli ruhu, vətənpərvərliyi, gözəlliyi, mərdliyi əks etdirir.

Tədbirdə çıxış edən muzeyin direktoru  Elşən Zəkəriyəbəyli şagirdlərə B.Vahabzadənin həyat və yaradıcılığı haqqında məlumat verib. Sonra isə şairin şeir və əsərlərindən ibarət kitabları şagirdlərə hədiyyə edib.

Sonda məktəbin şagirdlərin iştirakı ilə şairin şeirləri səsləndirilib, ədəbi-bədii kompozisiyalar nümayiş olunub.