Yeni tədris ilində Şəki Şəhəri Təhsil Şöbəsinin tabeliyində fəaliyyət göstərən ümumi təhsil müəssisələrində ümumilikdə, 27481 şagird təhsil alacaq.

Şəki Şəhəri Təhsil Şöbəsinin tabeliyindəki ümumi təhsil məktəblərinin I sinfində 2471-dən çox,  IX sinfində 1998, XI sinfində  1660 şagird təhsil alacaq.

Rayonun 21 ümumi təhsil müəssisəsində 123 məktəbəhazırlıq qrupunun fəaliyyət göstərməsi nəzərdə tutulub.. 2018-2019-ci tədris ilində 5 yaşlıların 75 faizi məktəbəhazırlığa cəlb ediləcək.

2018-2019-ci dərs ilində 21 məktəbdə 30 təmayül sinfin təşkil olunması nəzərdə tutulur.

Yeni dərs ilinə hazırlıq çərçivəsində ümumi təhsil müəssisələrinin təmir və tikintisi davam etdirilir. Hazırda rayonumuzun 7, 2, 9 nömrəli tam orta  məktəb binalarında əsaslı təmir-bərpa işləri aparılib. Yeni tədris ilində Baş Zəyzid kəndində 624 nəfərlik yeni məktəb  istifadəyə veriləcək.

Təhsil nazirinin əmrinə əsasən, ümumi təhsil müəssisələrində 2018-2019-cu tədris ilində ilk dərslər ibtidai siniflərdə “Vətənim Azərbaycan”, V-IX siniflərdə “Dövlət rəmzləri-müstəqilliyimizin simvolu”, X-XI siniflərdə “Azərbaycan Xalq Cümhuriyyəti-dövlətçiliyimizin bayraqdarı” mövzularına həsr olunacaq.

Qeyd edək ki, Şəki Şəhər Təhsil Şöbəsinin tabeliyində 96 ümumi təhsil məktəbi, 71-i tam orta məktəb, 22-si ümumi orta məktəb, 3-ü ibtidai məktəb və  2 məktəbdənkənar təhsil müəssisəsi olmaqla 98 təhsil müəssisəsi fəaliyyət göstərir.