Martın 26– da Şəki rayonunun ümumtəhsil məktəblərinin X-XI sinif şagirdlərindən ibarət 40 nəfərlik qrup “Ölkəmizi tanıyaq” layihəsi çərçivəsində maarifləndirici tur-aksiyaya qoşulublar.

Əvvəlcə tur-aksiya iştirakçıları ümummilli lider Heydər Əliyevin abidəsi önünə gül dəstələri düzüb, xatirəsini ehtiramla yad ediblər.

Yolasalma mərasimində rayon icra hakimiyyətinin nümayəndələri, təhsil şöbəsinin əməkdaşları və valideynlərin iştirakı ilə tur-aksiya iştirakçılarının, eləcə də onları müşayiət edən qrup rəhbərləri Gəncə-Şəmkir-Göygöl istiqaməti üzrə yolasalma mərasimi keçirilib.

Məlumat üçün bildirək ki, tur-aksiya çərçivəsində şagirdlər Gəncə rayonunda Gəncə tarix-diyarşunaslıq muzeyi, “Gəncə Qala qapıları” kompleksini, Xan Bağı, Cavad Xan Türbəsi, Şah Abbas Cümə məscidi ilə tanış olacaqlar.Həmçinin şagirdlər Şəmkir rayonunda “Orta əsr Şəmkir şəhəri”, “Abidələr” parkı, Alman kilsəsi, Şəmkir qalasına, daha sonra Bayraq meydanı və Bayraq muzeyinə gedəcəklər.Göygöl rayonunda isə  heydər Əliyev parkına, Alman kirxası, sonuncu alman Viktor Klaynın ev-muzeyi ilə tanış olacaqlar, Hacıkənd qəsəbəsinə və Göygöl Milli Parkina səfər edəcəklər.

Sonra tur-aksiya iştirakçıları onlar üçün ayrılmış avtobusla Gəncə şəhərinə yola düşüblər.