Şəki  şəhər 19 nömrəli tam orta məktəbdə Novruz bayramı münasibətilə təntənəli tədbir keçirilib.Tədbirdə Şəki Şəhər Təhsil Şöbəsinin əməkdaşları, məktəbin direktoru,müəllimlər və şagirdlər  iştirak edib.

Tədbirin keçirlməsində məqsəd, şagirdlərin milli adət ənənələrimiz haqqında daha dolğun məlumat əldə etməsi, onlarda xüsusi qabiliyyətlərin ortaya çıxarılması, müəyyən səhnəciklər vasitəsilə aktivliyin artırılmasından ibarətdir.

Bayram şənliyində Novruzun personajları Keçəl və Kosanın oyunları, bahar qızın gəlişi tədbir iştirakşılarının marağına səbəb olub.

Sonra şagirdlər Novruz bayramına aid mahnılar ifa edib, şeirlər səsləndirib, maraqlı səhnəciklər göstərib, yallı gedibvə digər  bacarıqlarını nümayiş etdiriblər.